Këngëtarja e “Medicine” ishte në Çikago për një turneun e ditëlindjes së saj “It’s My Party”.
Për t’u përgatitur për koncertin Jennifer Lopez kaloi një kohë me dy të vegjlit e saj, njofton Klan Kosova.
J Lo ka mbushur 50 vjet më 24 korrik.
Ajo tha se është festa e saj dhe mbajti koncerte të shtunën dhe të dielën.
Por para se të fillonte koncerti, Jennifer ndau disa fotografi të ëmbla të binjakëve 11 vjeçarë të saj, Max dhe Emme.
Është mbyllur numërimi i votave në bashkinë e Pustecit, në juglindje të vendit, duke u bërë bashkia e parë që mbyll procesin.
Fitues në Pustec është shpallur Pali Kolevski, kandidat i Partisë Socialiste. Kolevski fitoi me 780 vota diferencë përballë Edmond Themelkos, i cili është edhe kryebashkiaku në detyrë.
Pas 12 vitesh, bashkia e minoritetit maqedonas rikthehet në drejtimin e Partisë Socialiste./Top Channel/
Ka nisur numërimi i votave edhe Tiranë, teksa Erion Veliaj udhëheq përballë Arben Skënderajt.
Nga 11 kutitë e para, Veliaj ka marrë 1690 vota, ndërsa Skënderaj 94.
Vendi që mori kryesinë e BE-së, Finlanda – njihet si vatër e shkollimit në gjithë botën. Por nam as të përafërt në këtë drejtim nuk ka Kosova.
Këtë gjë e bën edhe më të dukshme testi i sivjetshëm i maturës shtetërore, që rezultoi edhe më dobët se vitin që shkoi.
Kronikë nga Dafina Jegeni.
Studentët e rinj por edhe të gjeneratave të tjera, të cilët për vitin e ri akademik do të vendosen në konvikte, kushtet do t’i kenë më të mira se deri tani.
Kjo pasi objektet e vjetra të Qendrës Studentore do të rimobilohen, njofton Klan Kosova.
Kronikë e zgjeruar nga gazetarja Qëndresa Bellagoshi.
Autoritetet e sigurisë po i luftojnë edhe narkodilerët që në mënyra të ndryshme po fusin drogë në Kosovë.
Policia arriti të kap 81 kilogramë marihuanë në një veturë, vlera e të cilës shkon në 100 mijë euro. 3 persona përfunduan në pranga, njofton Klan Kosova.
Kronikë e zgjeruar nga Agan Hajdarhoxha.
Kit Harington dhe gruaja e tij, Rose Leslie, u panë bashkë për herë të parë pasi aktori doli nga rehabilitimi.
Ylli 32 vjeçar i Game of Thrones, dhe 32 vjeçarja, u panë duke ecur rreth rrugëve të Londrës, saktësisht në lagjen Soho, transmeton Klan Kosova.
Muajin e kaluar u raportuar se Kit Harington ishte në rehabilitim për stres dhe alkool. Atëherë, Kit sapo kishte përfunduar një turne të madh shtypi për sezonin e fundit të Game of Thrones.
Kit dhe Rose, të cilët u njohën në setin e serisë më të famshme në botë, u martuan në fund të qershorit të vitit të kaluar.
Fatos Xhafolli shqiptari që qëndron pas dy prej restoranteve më të mira në Berlin
Si filloi Fatos Xhafolli punën në gastronomi, cilat ishin sfidat që kaloj për të krijuar restorantet që tash vizitohen nga njerëz të famshëm dhe renditen në mesin e më të mirëve në Berlin.
Kronikë e gazetares Zana Fetiu
Ndërkohë, vendet anëtare të Bashkimit Evropian nuk po arrijnë t’i zgjedhin liderët e unionit. Për të gjetur zgjidhje të këtij problemi nuk po u ndihmojnë as mbledhjet maratonike e as takimet bilaterale.
Kronikë nga Rina Mujku.
Ambasada e amerikane në Tiranë, ka njoftuar sot se Shtetet e Bashkuara mirëpresin përfundimet e misionit vëzhgues të ODIHR-it, sipas të cilave zgjedhjet bashkiake të 30 qershorit u zhvilluan përgjithësisht në mënyrë të qetë dhe të rregullt, si dhe dhanë një vlerësim të përgjithshëm pozitiv për numërimin e votave.
“Në këtë çast, ne iu bëjmë thirrje të gjithë udhëheqësve politikë që të respektojnë shtetin ligjor dhe të punojnë brenda institucioneve të ngritura për të përcaktuar rrugën përpara për demokracinë shqiptare, përfshi përparimin me reformat e rëndësishme zgjedhore të rekomanduara nga ODIHR”, thuhet në njoftimin e Ambasadës amerikane.
Komunikata e Ambasadës amerikane:
Shtetet e Bashkuara mirëpresin përfundimet e misionit vëzhgues të ODIHR-it, sipas të cilave zgjedhjet bashkiake të 30 qershorit u zhvilluan përgjithësisht në mënyrë të qetë dhe të rregullt, si dhe dhanë një vlerësim të përgjithshëm pozitiv për numërimin e votave. Ne pranojmë, megjithatë, ashtu siç e vuri në dukje edhe misioni i ODIHR-it, se ngërçi dhe polarizimi politik kontribuan për zgjedhje në të cilat votuesit nuk kishin një zgjedhje kuptimplotë. Pavarësisht pengesave, populli shqiptar – qoftë ata që morën pjesë në zgjedhje, ashtu edhe ata që abstenuan – ushtruan të drejtën e tyre demokratike në mënyrë paqësore dhe ne i përgëzojmë për këtë. Në këtë çast, ne iu bëjmë thirrje të gjithë udhëheqësve politikë që të respektojnë shtetin ligjor dhe të punojnë brenda institucioneve të ngritura për të përcaktuar rrugën përpara për demokracinë shqiptare, përfshi përparimin me reformat e rëndësishm e zgjedhore të rekomanduara nga ODIHR. Ata që dëshirojnë të sfidojnë rezultatin e zgjedhjeve, mund të presin nga Gjykatën Kushtetuese, e cila shpresojmë do të ngrihet së shpejti, me gjykatës të cilët kanë kaluar një proces rigoroz vetingu. Si gjithnjë, Shtetet e Bashkuara janë në krah të popullit shqiptar si një vend partner, një mik dhe një aleat. Ne jemi të përkushtuar të ndihmojmë për forcimin e shtetit ligjor dhe ndërtimin e një demokracie më të fortë dhe një të ardhmeje më të ndritur për të gjithë shqiptarët.
Chris Pratt mbushi 40 vjeç më 21 qershor por ai sapo zbuloi dhuratën që mori për ditëlindje nga bashkëshortja e tij Katherine Schëarzenegger, transmeton Klan Kosova.
“Faleminderit Katherine për derrat mi të ri. Dhurata më e mirë ndonjëherë për ditëlindjen time. Ata quhen Tim and Faith sepse janë të bukur. I dua ata dhe mezi pres të rriten. Dhe jo ata nuk do të jenë proshutë. Ata janë anëtarët më të rinj”, tha Chris në një post në Instagram.
“Historikisht, marrëdhënia jonë me kafshët na ka dhënë shumë leksione të vlefshme për jetën – duke filluar nga realitetet e ashpra të ciklit të jetesës deri të shpërblimi i dhembshurisë, kujdestarisë dhe dashurisë”, shtoi ai.
Kryeparlamentari dhe Kryetari i PDK-së Kadri Veseli, në mbrëmje ka marrë pjesë në takimin, debat me strukturat e degës së PDK-së në Pejë, i cili u mbajtë në qendër të qytetit në Parkun e paqes ”Ibrahim Rugova”.
Kryetari i PDK-së Kadri Veseli i shqëruar nga Kryetari i degës së PDK-së në këtë komunë Xhavit Haliti, kanë folur para të pranishmëve për vizionin dhe rolin e PDK-së dhe dekadës së re, duke u fokusuar në obligimet që ky subjekt i ka vënë vetës pas Konventës dhe Kuvendit të ri të sapo mbajtur në nivel vendi, njofton Klan Kosova.
Veseli ka potencuar lëvdatat për shpirtin sipërmarrës të pejanëve dhe i ka ftuar strukturat e degës që të jenë afër sipërmarrësve të rinjë, ti mbështesin dhe t’ju hapin derën gjeneratave të reja të dëshmuara në çdo sferë të jetës.
”PDK çmon individin por nuk është në shërbim të individit. Ne jemi për Kosovën dhe interesat e saja nacionale. Peja ka kapacitete të jashtëzakonshme ndaj dhe kam ardhur sot dhe shpresoi se tek ju shumë shpejt do kompletohet edhe kryesia e re”.
”Unë ju ftojë të jeni në komunikim me secilin qytetarë, ta ofroni ta mbështesni, sidomos sipërmarrësit e rinjë. Të jeni në komunikim me të gjithë duke qenë korrekt dhe duke hapur derën e PDK-së për ta. Nëse jemi të tillë, atëherë nuk ka nevoj të flitet se kush do jetë kryetar i Pejës. Ajo i takon kualitetit dhe ne kemi kualitete”.
Veseli kërkoi nga Haliti që të ketë debate të lira me qytetarë për të pranuar kritikat, njofton Klan Kosova.
”Kryetar Haliti unë pas fjalës time, ju kërkoi ku në mes të Pejës të hapni debat me qytetarë, jam i gatshëm, ne e dini pranojmë edhe kritikën dhe ne nuk jemi parti që gjuhemi me karrige…”, është shprehur ai.
Në takim morën pjesë edhe drejtor dhe ish-drejtor të drejtorateve të Komunës së Pejës nga radhët e PDK-së.
Ministri i Punëve të Jashtme, Behgjet Pacolli dhe Kryeministri i Kosovës, Ramush Haradinaj, janë takuar sot me Ministrin e Brendshëm të Francës, Christophe Castaner, me ç’rast kërkuan mbështetjen e Francës në procesin e liberalizimit të vizave, si një hap tejet të rëndësishëm për Kosovën, njofton Klan Kosova.
Lajmin e ka bërë të ditur Pacolli përmes një postimi në rrjetin social Facebook.
Ai tha se Kryeministri Haradinaj dhe ministri CastNer nënshkruan edhe letrën e qëllimit të mirë, për të thelluar bashkëpunimin në luftimin e krimit të organizuar, terrorizmit dhe migrimin ilegal.
Më poshtë statusi i tij i plotë:
Sot në Paris se bashku më Kryeministrin Haradinaj takuam ministrin e Brendshëm të Francës, Christophe Castaner, me ç’rast kërkuam mbështetjen e Francës në procesin e liberalizimit të vizave, si një hap tejet të rëndësishëm për Kosovën. Kryeministri Haradinaj dhe ministri CastNer nënshkruan edhe letrën e qëllimit të mirë, për të thelluar bashkëpunimin në luftimin e krimit të organizuar, terrorizmit dhe migrimin ilegal.
Kosova është një partner evropian i Francës dhe ne mbetemi të përkushtuar ndaj idesë së integrimit evropian.
Në këtë frymë, mbështetja e Francës është e rëndësishme në hapin përfundimtar për të arritur lëvizjen e lirë për qytetarët e Kosovës. Ne do të punojmë ngushtë për ta arritur këtë qëllim.
Gazetari Baton Haxhiu duke komentuar për situatën paszgjedhore në Shqipëri, ka thënë se Presidenti Ilir Meta ka keqpërdorur postin e tij.
“Shoqëria shqiptare dhe politika ia ka dhënë Metës shansin historik të jetë president i Shqipërisë. Gabimi më i madh është fakti që shoqëria shqiptare në një mënyrë apo tjetër ia ka amnistuar mëkatet duke e bërë president, duke i mbyllë sytë. Ai në mënyrën më brutale e ka keqpërdorur këtë post”, është shprehur Haxhiu te “Provokacija” te Mustafa Nano.
“Kur hyn në një post kaq të shenjtë kërkon falje me vetën dhe hyn në ndërgjegje personale. Nuk ka post më të rëndësishëm se Presidenti. Nuk e riciklon vetën në postin e presidentit me mëkatet e së kaluarës – këto mëkate e kanë bërë që të ndjehet ashtu. Një njeri që s’e ka kuptuar postin honorik të tij duke bërë ‘fitnen’ religjonze siç thuhet në Islam – që e ka krijuar funksionin e pandërgjegjshëm”.
Haxhiu ka pohuar se në mes të vërtetës dhe miqësisë, zgjedh të parën.
“Nuk më duhet miqësia e dikujt që nuk ka ndërgjegje. Meta është një nga miqtë që kam humbur. Kam shpresuar që kur të bëhet president do të ikë nga mëkatet”.
Por miqësi Haxhiu ka pohuar se s’ka pasur kurrë më ish kryeministrin e Shqipërisë, Sali Berishën.
Ai madje ka thënë të mos ketë zhvilluar asnjëherë një takim me të.
“Kam pasë kontakt dialogues, nuk kam pasë takime personale me Berishën. Berisha është njeri që projekton armiq. Mikun, djalin… e projekton armik për ta shëruar veten. Berisha nuk mund të jetojë pa krijuar armikun përballë vetes – ka energji të tepërt për të keqën. Berisha mendon që revolucioni ka shkuar përmes tij – ky moment referencës revolucionare mendon se vazhdon gjithmonë”.
“Berisha kulturalisht është feudal – e ka mentalitetin e odës. Ideja se plaku është më i mençur, më I fuqishëm e ka vendosur sociologjikisht në një vend të gabuar Berishën”.
Berisha dhe Meta sipas Haxhiut e kanë ricikluar njëri-tjetrin.
Kurse për kryeministrin e tanishëm Edi Rama ka thënë se është prej atyre njerëzve që politikën do t’ua lë gjeneratës së re.
“Te Rama kam besime te vendimet e tij, te guximi dhe shija – janë tri pikat që e dallojnë Ramën”.
Dhe në fund Haxhiu është shprehur se qershori i vitit të ardhshëm është koha kur shqiptarët e Shqipërisë do të duhet t’u drejtohen kutive të votimit.
“Kjo është koha kur ka gjasa praktike dhe reale, për t’u ndërtuar infrastruktura politike, e drejtësisë …. që Shqipëria të shndërrohet në një vend normal. Negociatat për BE nuk hapen me këtë tension politik”.
Shtëpia është e vjetër. Edhe muret i janë plasaritur, njofton Klan Kosova.
Por familja pesëanëtarëshe Livoreka do të mbetet edhe pa të. Më 15 korrik ata do të detyrohen ta lirojnë këtë objekt për të cilin paguanin qira.
Këtë ua kërkoi pronari i shtëpisë.
Kronikë nga Rejhane Selimi
Maja Koçijançiq, zëdhënësja e Federica Mogherinit, ka deklaruar se “zgjedhjet lokale të zhvilluara në Shqipëri të dielën më 30 qershor u zhvilluan në një kontekst të ndarjes politike, por në një mënyrë përgjithësisht të qetë dhe të rregullt.”
Koçijançiç thotë se “ne morëm parasysh të gjitha vërejtjet paraprake të bëra nga shefi i misionit të vëzhgimit të zgjedhjeve të OSBE/ODIHR”.
“Organet lokale të sapozgjedhura tani duhet të jenë në gjendje të punojnë sipas kompetencave të tyre kushtetuese, në dobi të qytetarëve të vendit. Siç thuhet në mënyrë të përsëritur: qeveria dhe opozita duhet të tregojnë pjekuri politike dhe të angazhohen urgjentisht në dialog konstruktiv për të kapërcyer situatën aktuale politike. Të gjitha institucionet shqiptare dhe udhëheqësit politikë tani duhet të përqendrojnë përpjekjet e tyre në vijueshmërinë e zbatimit të procesit të reformës, duke përfshirë rinisjen e reformës së iniciuar më parë të legjislacionit zgjedhor për të adresuar rekomandimet e ODIHR-it”, shprehet Koçijançiq./Top Channel
Sa më shumë kohë po kalon nga zhdukja e futbollistës me prejardhje shqiptare, vëllai i saj shprehet i zhgënjyer dhe i pashpresë se ajo mund të gjendet e gjallë.
Ai në një intervistë për gazetën zvicerane Blick, theksoi se informacionet për motrën mungojnë por se dyshon se mund të jetë zhytur në liqenin e Comos.
“Ne ende nuk dimë asgjë. Ne jemi duke pritur për informacion, por ne dyshojmë se Florijana është në fund të liqenit”.
Autoritetet janë vënë në lëvizje për gjetjen e kapitenës së skuadrës zvicerane Young Boys.
Që nga dita e shtunë nuk ka asnjë shenjë nga ajo.
Sipas informacioneve të para ajo së bashku me një shok kishin hyrë në liqen me një barkë me motor dhe nga ai moment 24 vjeçarja nuk u rishfaq.
E në operacionin e kërkimit të pranishëm janë edhe familjarët.
Në ndërkohë ekipet e shpëtimit të liqenin e Comos ende mbetën në gjendje të lartë gatishmërie në kërkim të futbollistes me prejardhje nga Presheva, e cila mbron ngjyrat e kombëtarës së Zvicrës.