Partia Socialdemokrate ka organizuar një aktivitet simbolik me rastin e 13 vjetorit të protestës ku mbetën të vrarë dy aktivistë të Lëvizjes Vetëvendosje, Mon Balaj dhe Arben Xheladini.

PSD e akuzon kryeministrin Kurti për ndryshimin e qëllimeve dhe synimeve të kësaj proteste.

Ata me këtë rast kanë vendosur një pasqyrë në vendin e memorialit kushtuar kësaj proteste, për siç thanë Albin Kurti ta shohë vetën sa herë kalon këtu.

Sekretarja e Përgjithshme e Partisë Socialdemokrate, Teuta Rrusta, tha se ky 10 shkurt është më i veçantë për shkak se kjo datë e gjen Kurtin kryeministër, si kundërshtarin ma të madh të planit të Ahtisarit.

“Në alternativën e Vetëvendosjes por edhe në organogramin e 2017 i kemi brenda synimeve edhe ndryshimet kushtetuese, të cilat shmangin pengesat që dalin nga plani i Ahtisarit. Mirëpo tash në planin qeverisës së Kurtit nuk e kemi asnjë rresht për synimet e kësaj proteste. 10 shkurti flet për llojin e qeverisë që do ta kemi. Pra përderisa Kurti gjen hapësirë me ardhur me bë nderime ai nuk ka për qëllim me marr hap për ndryshime kushtetuese të cilat e kanë shumicën e dyfishtë që e fuqizojnë Listën Serbe. Vendimmarrja në kuvend është e bllokuar përmes shumicës së dyfishtë. 10 shkurti është dita kur Kurti duhet ta shoh veten pasqyrë. Ne ftojmë Albin Kurtin mos ta largojë pasqyrën por të ketë guxim ta shohë veten në të”, tha ajo, njofton Partia Socialdemokrate përcjell Klan Kosova.

13 vjet më parë, nën organizimin e Lëvizjes Vetëvendosje, u mbajt protesta ku kërkohej vetëvendosje, ndërsa policia e UNMIK-ut, konkretisht ata rumun e ukrainas, shtënë me armë ndaj protestuesve, duke lënë të vdekur dy protestues dhe plagosur mbi 80-të.

Lista Serbe ka reaguar pas moslejimit të hyrjes në Kosovë të ekipit të basketbollit nga Serbia “Sloga” gjatë ditës së djeshme.

Sipas LS-së “kjo ndalesë është bërë me vlerësimin se ishte një vazhdim i praktikës së motivuar politikisht të qeverisë së mëparshme në Prishtinë, gjë që i pengoi të rinjtë serb të praktikojnë sporte”.

“Populli serb pret që qeveria e sapokrijuar në Prishtinë të shfuqizojë të gjitha vendimet e paraardhësve të saj që rrezikojnë jetën normale të të gjithë qytetarëve në Kosovë dhe ndaj të cilëve po bëhet segregacion klasik ndaj qytetarëve në baza kombëtare”, thuhet në një deklaratë të kësaj liste, raporton Tanjug, transmeton Klan Kosova.

Ekipit të basketbollit nga Serbia “Sloga”, të dielën i është ndaluar hyrja në Kosovë pasi nuk ka pasur leje nga autoritetet kosovare.

Ekipit të basketbollit nga Serbia i ndalohet hyrja në Kosovë

Ministri i Bujqësisë, Pylltarisë dhe Zhvillimit Rural, Besian Mustafa ka marrë vendim për mbylljen e sezonit të gjuetisë për periudhën 2019 – 2020.

“Sezoni i gjuetisë për të gjitha llojet e kafshëve të egra në tërë territorin e Republikës së Kosovës, do të mbyllet me 18 shkurt të këtij viti. Mbyllja e sezonit të gjuetisë është bërë me kërkesën e Departamentit të Pylltarisë në Ministrinë e Bujqësisë, i cili ka vlerësuar se ka zvogëlim të kafshëve të egra, krejt kjo si pasojë e gjuetisë ilegale, degradimit të habitateve natyrore e sidomos pyjeve, kushteve të pavolitshme klimatike dhe për shkak të menaxhimit joefikas të faunës së egër “- njofton Ministria e Bujqësisë, Pylltarisë dhe Zhvillimit Rural përcjell Klan Kosova.

Këtë vendim obligohet që ta zbatojnë Agjencia Pyjore e Kosovës, Federata e Gjahtarëve të Kosovës, menaxherët e vendgjuetive, si dhe Drejtoritë Komunale për Bujqësi, Pylltari dhe Zhvillim Rural.

Ndryshe, sezoni i gjuetisë për periudhën 2019-2020, ishte hapur më 13 tetor të vitit 2019 dhe organizimi i gjuetisë gjatë kësaj periudhe është bërë nga menaxherët e vendgjuetive nën mbikëqyrjen e e MBPZhR-së dhe komunave.

Operacioni Forca e Ligjit (OFL) në Shqipëri ka nxjerrë emra të tjerë që janë subjekt i ligjit special.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

– A. K., banues në Durrës, i dënuar në Gjermani për vepra penale në fushën e narkotikëve;

– B. P., banues në Koplik, Shkodër, i dënuar në Belgjikë për trafik të qenieve njerëzore;

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së.

Më pas, përgjigjet e marra do t’i dërgohen SPAK-ut, i cili brenda jo më shumë se 15 ditësh, duhet të vlerësojë dosjen e përgatitur nga OFL-ja mbi aktivitetin kriminal të këtyre subjekteve, si edhe pasurinë e tyre. Sapo të bëjë këtë vlerësim, SPAK-u duhet t’i kërkojë Gjykatës Speciale masën e sekuestrimit për pasuritë e subjekteve dhe pas sekuestrimit dhe në jo më shumë se 6 muaj Gjykata Speciale duhet të vendosë për konfiskimin përfundimtar të tyre.

Theksojmë se të gjithë personat që iu është dërguar kërkesa me shkrim për vetëdeklarimin e burimeve të pasurisë, i kanë plotësuar formularët dhe i kanë dorëzuar të gjithë pranë OFL-së, e cila ka vijuar me procedurat sipas përcaktimit në aktin normativ nr. 1 , të datës 31 janar 2020.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë./Top Channel/

Asambleistja e Aleancës për Ardhmërinë e Kosovës Fiknete Bejta, është larguar nga kjo parti.

Lajmin e ka bërë të ditur vetë ajo, nëpërmjet Facebook-ut.

“E sot unë po bëj këtë, po tërhiqem nga Aleanca për Ardhmërinë e Kosovës për ta mbrojtur dinjitetin tim, ku pata hyrë me vullnetin më të madh që t’i vë në lëvizje kapacitetet e mia politike dhe intelektuale në dobi të shoqërisë e të shtetit tonë. Jam e zhgënjyer shumë me përvojën time në këtë parti, sidomos me strukturat e saj, ku s’të shprehet as falënderimi më i vogël për punën e angazhimin që e bënë. Dola nga LDK me arsyen se më mungonte hapësira për të punuar, por në AAK gjeta edhe më keq. Shpresoja të paktën në mbështetjen e z. Haradinaj, por as te ai nuk gjeta mirëkuptimin e përmbushjen e premtimeve për të cilat u zotua kur më ftoi “- tha Bejta.

Shkrimi i plotë:

Një person është gjetur i vdekur në shtëpinë e tij.

Rasti ka ndodhur mbrëmjen e së dielës në Vushtrri, ku viktima është gjetur nga familjarët e tij.

Policia në raportin 24 orësh ka bërë të ditur se viktima është dërguar në emergjencë, ku mjeku kujdestar ka konstatuar vdekjen e tij.

Po ashtu, bëhet e ditur se me vendim te prokurorit trupi i pa jete i viktimës dërgohet ne Institutin e Mjekësisë Ligjore për obduksion.

Shoqata e Malazezëve të Kosovës i ka dorëzuar sot një kërkesë Presidentit Hashim Thaçi dhe Kryeministrit Albin Kurti për rregullimin e pozitës zyrtare juridike të komunitetit malazez në vendin tonë.

” Presim nga ata, që në përputhje me fuqitë e tyre kushtetuese, t’i qasen hartimit të një amendamenti kushtetues dhe ta vendosin atë sa më shpejt të jetë e mundur në procedurën parlamentare për shqyrtim përfundimtar dhe miratim”.

Në të njëjtën kohë, ata i kanë kërkuar edhe partive parlamentare të deklarohen rreth kësaj iniciatiave në mënyrë që siç thuhet në kërkesë ” pas 12 vjetësh, ata më në fund të dinë të vërtetën kush është pro e kush kundër që malazezët të bëhen një kategori kushtetuese”, transmeton Klan Kosova.

“Miratimi i një ndryshimi të tillë në Kuvendin e Kosovës kërkon një shumicë prej dy të tretave ose dy të tretave të votave të komuniteteve pakicë dhe të paktën dy të tretat e votave të deputetëve të pranishëm”.

“Ne i kemi bërë kërkesa shtesë Kryeministrit Kurti që Qeveria, në krye të së cilës është që menjëherë të nis zbatimi i plotë i Strategjisë për Integrim dhe Afirmim të Komunitetit Malazez në Kosovë, e cila u miratua në 12.12.2016 dhe, në zbatim të Ligjit për Pushimet Zyrtare, malazezët marrin zyrtarisht Ditën e tyre, si dhe të gjitha komunitetet e tjera në Kosovë.

” Ne i bazojmë kërkesat dhe pritjet tona në faktin se malazezët janë një bashkësi tradicionale në Kosovë, siç dëshmohet nga historia, monumentet, muzeu etnologjik, instituti statistikor republikan, ose më saktë të gjitha regjistrimet që fillojnë nga shekulli XIV, kur regjistrohen nga përkatësia fetare duke përdorur libra të lindjes deri në vitin 1948, kur 3.85% nga ne jetonin në Kosovë, deri në 1991 kur vetëm 1,04% ishin të regjistruar”.

Kjo shoqatë thekson në kërkesën drejtuar Thaçit, Kurtit si dhe partive politike se njohja apo mosnjohja kushtetuese e këtij komuniteti do të jetë një pikë referimi i rëndësishëm oër faktorët ndërkombëtarë në vlerësimin e përparimit të Kosovës në respektimin e të drejtave të njeriut, transmeton Klan Kosova.

Kryeministri i vendit Albin Kurti ka bërë homazhe tek varri i Mon Balajt në Podujevë, në 13-vjetorin e vdekjes së tij.

Në këtë ngjarje të pranishëm kanë qenë edhe shumë zyrtarë e aktivistë të Lëvizjes Vetëvendosje, njofton Klan Kosova.

Familjarët e të ndjerit besojnë se tash nën udhëheqjen e kryeministrit Kurti, pjesëtarët e Policisë rumune të UNMIK-ut, të cilët janë përgjegjës për vrasjen e dy aktivistëve të VV-së, do të gjenden dhe do ta marrin dënimin e merituar.

Kujtojmë se të dy aktivistët e VV-së, Arben Xheladini dhe Mon Balaj, janë vrarë gjatë protestës së datës 10 shkurt 2007, ku po kundërshtohej Pakoja e Ahtisaarit.

Sot në ora 13:00, Kurti pritet të bëjë homazhe edhe tek pllaka përkujtimore e Xheladinit dhe Balajt në Prishtinë, me ç’rast do të prononcohet para mediave.

Për t’u informuar më shumë rreth kësaj ngjarje, klikoni në linkun e mëposhtëm.

Albin Kurti bën homazhe tek varri i Arben Xheladinit, në 13-vjetorin e vdekjes së tij

klankosova.tv

Nënkryetari i Kuvendit nga radhët e PDK-së Memli Krasniqi dhe kryetari i Grupit Parlamentar të kësaj partie Bedri Hamza janë duke bojkotuar mbledhjet e Kryesisë së Kuvendit të Kosovës për shkak që kryeparlamentarja Vjosa Osmani e ka zhvendosur fotografinë e presidentit.

Por, Vjosa Osmani ka insistuar se bojkoti i PDK-së ka nisur në natën kur është votuar qeveria dhe se fotografia e presidentit është vetëm arsyetim.

“Nuk ka vendim për heqje të fotografisë. Ka vetëm zhvendosje në pozitën e përcaktuar me ligj – ligji në të cilin kam punuar edhe vet në hartimin e tij po respektohet në tërësi”.

“Ta them një gjë qartë dhe mirë: kjo temë është e mbyllur. PDK-ja ka filluar bojkotin ndaj institucioneve më 3 shkurt, pra nëse ata duan që të gjejnë arsyetime se si e dekoroj unë zyrën time le të përdorin arsye të tilla, sepse nuk e gjejnë guximin ta tregojnë të vërtetën”.

“Bojkoti i tyre ka filluar më 3 shkurt në mbrëmjen kur u votua Qeveria e Kosovës dhe më pas kur u votova edhe unë si Kryetare e Kuvendit. Bojkoti i tyre është politik dhe nuk ka asnjë lidhje tjetër me temat që po i përdorin si arsyetim”.

“Bojkoti nuk ka filluar as më 4 shkurt në mëngjes dhe as më 5 shkurt, por ka filluar më 3 shkurt kur ata e lëshuan sallën dhe nuk morën pjesë, madje as duke votuar kundër, në zgjedhjen e Qeverisë së Kosovës dhe as në zgjedhjen e Kryetares së Kuvendit”.

“Pse e bëjnë këtë bojkot politik dhe tentojnë të bllokojnë punën e institucioneve është çështje që duhet t’ia adresoni atyre”.

Osmani në konferencën pas mbledhjes së Kryesisë së Kuvendit ka ftuar deputetët e opozitës që të kthehen dhe të përfaqësojnë interesat e qytetarëve që i kanë votuar, njofton Klan Kosova.

“Deputetët e opozitës më shumë se sa detyrim ndaj Kuvendit kanë detyrim ndaj qytetarëve që i kanë votuar që të përfaqësojnë interesat e tyre në Kuvendin e Kosovës. Përfaqësimi i këtyre interesave fillon nga mbledhjet e kryesisë ku ne përcaktojmë në mënyrë të përbashkët agjendën për seanca – edhe pse unë kam të drejtë kushtetuese që ta përcaktoj agjendën edhe vet, por nuk dua të ndërtohet një model i tillë siç ishte ndërtuar nga kryetari paraprak”.

“Deri sot, çdo vendim që e kemi marrë ka qenë me unanimitet të plotë dhe dua t’i falënderoj grupet parlamentare të opozitës – AAK dhe Nisma – për konstruktivitetin, bashkëpunimin dhe mbi të gjitha për përfaqësimin e drejtë të votuesve të tyre”.

“Deputeti zgjedhet për ta përfaqësuar interesin e qytetarëve. Ai interes përfaqësohet më së miri dhe më së drejti, në veçanti kur je opozitë, në Kuvendin e Kosovës. Nuk ka asnjë arsye për bojkot, prandaj edhe shpresoj që do ta ndryshojnë këtë qasje dhe do t’i bashkohen të gjithë deputetëve të tjerë që të arrijmë në veçanti unitet për çështje të interesit nacional, sepse me sfidat që ka përpara Kosova është tejet i nevojshëm”.

“Shpreh gatishmërinë time të plotë që të punoj dhe të koordinohem me secilin grup parlamentar. Grupi Parlamentar i PDK-së e di shumë mirë që kur ka pasë nevojë për një bashkëpunim të tillë në interes të vendit ne si LDK, por edhe unë personalisht, nuk kemi hezituar asnjëherë”.

Është liruar nga Klinika Infektive shtetasja britanike e cila u dyshua për infektimin me virusin “Korona”.

Ajo më tetë shkurt ishte paraqitur në këtë klinikë me dyshimet se ishte prekur me koronavirus.

Pas ekzaminimeve nga Instituti Kombëtar i Shëndetit Publik të Kosovës, rezultatet dolën negative.

Me këtë rast ajo u lirua nga spitali.

Lajmin për Klan Kosovën e ka konfirmuar Valbon Krasniqi, doktor në Klinikën Infektive.

“Pacientja një fjalë është liruar gjatë ditës së diel nga Klinika Infektive. Gjendja e saj shëndetësore është e mirë. Ka pasur një kollë dhe ftohje të lehtë. Por gjendjen e ka stabile. Ju e dini se ishin dyshimet për koronë, por pas analizave te kjo paciente, rezultati rezultoi të jetë negativ”, ka thënë Krasniqi.

Krasniqi shtoi se simptomat nuk ishin as të gripit sezonal.

Gruaja në fjalë disa ditë i kishte kaluar në Francë në një qendër skijimi atje.

Por frikë kishte marrë pas marrjes së lajmit se në qendrën ku ishte skijuar ajo, pesë persona ishin prekur me koronë.

Kryetari i Komunës së Gjilanit, Lutfi Haziri, ka pritur sot në takim aktoren më të re të Hollywood-it, gjilanasen Eloise Kosumi, e cila së fundmi pati mundësi të luajë në filmin ‘Smookers’, të regjisorit Louis Mandylor dhe producentit Peter Organ.

Pas takimit me Hazirin, vogëlushja gjilanase e cila është nxënëse e klasës së tretë të shkollës “Rexhep Elmazi” në Gjilan, ka treguar për eksperiencën e saj të parë në një film hollywoodian, transmeton Klan Kosova.

“Jam ftuar në tre filma të Hollywood-it për të luajtur. Filmin e parë që kam xhiruar është ‘Smookers’ me aktorët Costas Mandylor, Nik Goldman, Peter Organ, Harmini, Louis Mandylor, Paky Parisi. Roli im aty është i engjëllit, i cili është i vetmi rol pozitiv”, ka thënë Eloise.

E kreu i Gjilanit, Lutfi Haziri, tha para gazetarëve që ta mbajnë në mend të emër.

“Eloise është krenaria e Gjilanit. I falënderoi prindërit e saj, Florën dhe Fatmirin, të cilët tregojnë se kudo që jetojnë fëmijët, mund të depërtojnë, falë edukimit dhe mbështetjes. Me të gjitha mundësitë tona si Komunë, do t’i qëndrojmë afër aktores së re. Mezi po presim ta shohim filmin e saj të parë”, ka thënë Haziri.

klankosova.tv

Një stuhi e fortë dimri që ka kapluar Evropën me erëra me fuqi të uraganit dhe reshje të mëdha shiu ka lënë disa të vdekur dhe ka shkaktuar ndërprerje të udhëtimeve të hënën.

Kishte raportime për vdekje të lidhura drejtpërdrejt me stuhinë me tre shoferë, një në jug-perëndim të Republikës Çeke, një në veri të Sllovenisë dhe një tjetër në Angli pasi makinat e tyre u goditën nga pemët e rrëzuara nga erërat.

Dy njerëz vdiqën gjithashtu në Poloni pasi stuhia rrëzoi një çati të një ndërtese të pajisjeve dimërore në vendpushimin malor të Bukowina Tatrzanska, afër kufirit me Sllovakinë.

Në Suedi, një burrë u mbyt pasi varka ku ai dhe një person tjetër po lundronin në liqenin jugor të Fegenit u fundos. Personi tjetër është ende i zhdukur, sipas të përditshmes Aftonbladet.

Britania, e cila u përball me stuhinë të dielën, po vlerëson dëmet dhe po punon për të rikthyer energjinë elektrike në 20,000 shtëpi, raporton AP, transmeton Klan Kosova.

Në qytetin skocez Hawick, i cili kufizohet me Anglinë, një shtëpi mysafirësh dhe bistro u rrëzuan në lumin Teviot të Dielën. Askush nuk u plagos.

Rrjetet e transportit në Britani mbeten të ndërprera me fluturimet, tragetet dhe trenat me  anulime dhe vonesa.

Stuhia tani ka kaluar kryesisht nëpër Francë, megjithëse meteorologët paralajmëruan se ishulli mesdhetar i Korsikës mund të shohë erëra të larta deri në 200 km / orë më vonë të hënën.

Në Gjermani, ndërmarrjet e shërbimeve gjithashtu po përpiqeshin të rikthejnë rrymën në rreth 50,000 shtëpi në Bavarinë veriore të hënën.

Stuhia, e cila u quajt Sabine në Gjermani, gjithashtu çoi në mbylljen e shkollave në disa qytete dhe rajone, përfshirë shtetin e Gjermanisë Veriore Rhine-Ëestphalia, ku disa njerëz u plagosën duke rënë degë dhe rrëzuar pemë, raporton AP.

Meteorologët presin erëra deri në 140 kilometra në orë (87 km në orë) në zonat malore të Gjermanisë jugore më vonë të hënën.

Kryeparlamentarja Vjosa Osmani ka thënë se në mbledhjen e Kryesisë kanë vendosur që të procedojnë për seancën e të enjtes propozimin për konstituimin e Komisioneve Parlamentare që nga 16 janë zvogëluar në 14.

“Ne sot e mbajtëm mbledhjen e dytë të kryesisë. Siç edhe kishim paralajmëruar javën e kaluar, vendosëm me unanimitet të anëtarëve të Kryesisë që ishin prezent që të përcjellim për seancën e radhës [të enjten] propozimin për konstituimin e Komisioneve Parlamentare”.

“Pasi është zvogëluar numri i Komisioneve Parlamentare nga 16 në 14, atëherë do të kemi votim me 2/3-at në seancën e Kuvendit. Grupet Parlamentare që ishin prezent e bënë përzgjedhjen e tyre dhe me pajtimin e tyre që ishin prezent, por edhe të anëtarëve të Kryesisë, u bë përzgjedhja sipas formulës”.

Osmani ka thënë se PDK-së – që po vazhdon bojkotimin e mbledhjeve të Kryesisë së Kuvendit – do t’i takojnë tri komisione, përfshirë dy më të rëndësishmit.

“Partisë opozitare që nuk ishte prezent, pra PDK-së, i kanë mbetur dy komisionet më të rëndësishme që kanë të bëjnë më mbikëqyrjen e punës së qeverisë: Komisioni për Mbikëqyrjen e Financave Publike, Komisioni për Mbikëqyrjen e Agjencisë së Kosovës për Inteligjencë, si dhe një komision tjetër”.

“Partitë e tjera e kanë bërë përzgjedhjen e tyre sipas radhës dhe formulës së miratuar nga të gjithë anëtarët e kryesisë që ishin prezent dhe dakordimin edhe formal të shefave të grupeve parlamentare”.

“ Është bërë edhe përzgjedhja e nënkryetarëve. Komunitetet joshumicë do të dërgojnë emrat e nënkryetarëve deri nesër. Nga Grupet Parlamentare është kërkuar mirëkuptim që deri të mërkurën t’i dërgojnë emrat e anëtarëve në mënyrë që përbërja e plotë e Komisioneve Parlamentare të votohet ashtu siç e kërkon rregullorja në seancën e radhës”.

Kryeparlamentarja ka konfirmuar se këtë të enjte do të ketë seancë – ashtu siç është vendosur në mbledhjen e kaluar të Kryesisë që seancat parlamentare të mbahen çdo të enjte, derisa mbledhjet e Kryesisë çdo të hënë.

“U pajtuam që të gjithë që seanca të mbahet të enjten. Kemi humbur mjaft kohë dhe jemi vonë me shumë vendime të rëndësishme në interes të shtetit, prandaj do të synojmë që të mbajmë seanca çdo të enjte, përveç kur ka ndonjë zhvillim tjetër. Fillojmë me këtë të enjte dhe më pas do të vazhdojmë edhe me propozimet, vendimet, legjislacionin dhe iniciativat që vijnë nga ana e Qeverisë së Kosovës”.

Albert Lame ose Albert Koschiek është emri i dytë që Operacioni Forca e Ligjit OFL vuri nën shënjestër sot në Shqipëri.

Pas Bardhok Pllanajt edhe atij i është kërkuar nga OFL të deklarojë pasurinë në formular brenda 48- orësh. Por për çfarë njihet ai?

Lame është i njohur si koka apo udhëheqësi i ‘Bandës së bananeve’, ku së bashku me disa shqiptarë të tjerë transportonin kokainë nga Ekuadori, në kuti bananesh për të furnizuar qytetet gjermane.

Rezulton se Lame ka qenë në një grup me Emiljano Hysenaj, që dhe këtij OFL i ka dërguar formularin më herët.

Më 2018 një ngarkesë 1.8 ton kokainë u kap në Gjermani e cila vinte nga Ekuadori me vlerë tregu prej 400 milionë euro.

Në këtë operacion u përfshinë 500 hetues dhe forca policore gjermane për të arritur në arrestimin e 13 shqiptarëve dhe tre të huajve, raporton Top Channel.

Saktësisht u arrestuan Orneo Margjeka, Emiljan Hysenaj, Dashamir Ndoj, Dario Lame, Ervin Llusha, Izmir Lami, Dolan Kocani, Agim Zeka, Marjan Tola, Mevlan Beca, Granit Bajrami, Artan Mehmeti, Blerim Cakraj si dhe Alberto Kochsiek ose Alberto Lame, Anel Begovic dhe Kofi Oteng.

Kryeministri i vendit, Albin Kurti, ka bërë homazhe tek pllaka përkujtimore e Arben Xheladinit dhe Mon Balajt, të cilët u vranë 13 vjet më parë gjatë protestës ku po kundërshtohej Pakoja e Ahtisaarit.

Kurti ka thënë se kjo protestë nuk ishte e kotë dhe se nuk do ta harrojë kurrë sakrificën e Xheladinit dhe Balajt, njofton Klan Kosova.

“Para 13 vjetëve ne protestuam paqësisht; mirëpo mu në këtë vend nuk u pritem njësoj. Protestuam kundër diskriminimit të shqiptarëve në Paketën e Ahtisaarit. Aty 37 herë përmendej fjala serb; ndërsa shqiptar vetëm një herë. Atëherë kur thuhej komunitetet joshqiptare – vetëm njëherë përmendej gjuha shqipe. Ajo paketë vendosi pengesa të mëdha që i kemi edhe sot e kësaj dite”.

“Prandaj me 10 shkurt, protestuam me shumë të drejtë. Ato vendime që u pranuan kollaj nga politikanët dritëshkurtër, sot i kushtojnë shumë Kosovës dhe ia kanë gjymtuar shtetit sovranitetin e demokracinë. Ne po përpiqemi t’i rregullojmë këto gabime, por korrigjimi merr shumë kohë”.

“Kjo protestë ishte ndër demonstratat më të mëdha të pasluftës dhe në ballë të saj ishte Adem Demaçi. 232 plumba të skaduar u gjuajtën mbi trupat tanë ku u vranë aktivistët Xheladini dhe Balaj. Ku do të ishin ata sot po të mos kishte ndodhur ajo padrejtësi 13 vjet më parë?. Do të ishin aktivistë të ndershëm dhe jo përfitues. Ata ishin të gatshëm të jepnin gjithçka. Ne nuk do të ishim këtu ku jemi po të mos ishin ata për ta ndriçuar rrugën”.

“Protesta jonë nuk ishte e kotë. Një muaj pas protestës sonë, Marti Ahtisaari ia bashkëngjiti propozimit të tij një faqe të re të parë ku thoshte pavarësi e mbikëqyrur për Kosovën. Një vit pas protestës sonë, u shpall Pavarësia e Kosovës. Pesë muaj pas protestës, OKB vendosi ta ndalojë përdorimin e plumbave të gomës në misionet e saja gjithandej globit”.

“Drejtësia ende mungon për Monin dhe Arbenin. UNMIK-u duhet të marrë masa dhe të kthej përgjigje për opinionin e Panelit Këshillues  për të Drejtat e Njeriut të UNMIK-ut, meqenëse ky panel nxori vendimin se policia ka pasur faj sa i përket vrasjes së demonstruesve paqësorë. Ne kurrë nuk do t’i harrojmë dhe përherë do t’i kultivojmë idealet tona të përbashkëta”.

klankosova.tv

Krahas interesit për fituesit e çmimeve “OSCARS”, natën e mbrëmshme me interes të veçantë u përcoll edhe parakalimi në tapetin e kuq i shumë personaliteteve që u ndoq nga e gjithë bota.

Disa prej tyre guxuan të kapërcenin të zakonshmën.

Penélope Cruz u zhyt në arkivat Chanel për të rigjallëruar një vështrim nga koleksioni i couture pranverë / verë 1995 dhe për t’i dhënë natës fluturimin e zbukuruar.

Parakalimi i Nathalie Portman, bëri një deklaratë feministe në pelerinën e re të qëndisur të Maria Grazia Chiuri me emrat e drejtoreshave femra të anashkaluara nga Akademia e stisur në pëlhurë.

Kurse aktorja Scarlett Johansson, u dallua përmes pjesëve elegante të ngjyrës së kuqe të Louis Vuitton nga Kaitlyn Dever dhe tradita madhështore e modës së tapeteve të kuqe të rralluar u nderua nga Koorporata Oscar de la Renta.

Në përgjithësi, ceremonia e parë e dekadës së “Oscar” dha pikërisht atë që premtoi: një festë të shkëlqyer të Holliwood-it në të gjitha format e saj.

Natalie Portman in Dior

Caitriona Balfe in Valentino

Lily Aldridge in Ralph Lauren

Zazie Beetz in Thom Browne

Hildur Guðnadóttir in Chanel

Regina King in Versace

Laura Dern in Armani

Beanie Feldstein in Miu Miu

Billie Eilish in Chanel

Janelle Monáe in Ralph Lauren

Olivia Colman in Stella McCartney

Kaitlyn Dever in Louis Vuitton

Rooney Mara in Alexander McQueen

Renée Zellweger in Armani

Penelope Cruz in Chanel

Charlize Theron in Dior

Scarlett Johansson in Oscar de la Renta

Margot Robbie in Chanel

Brie Larson in Celine

Saoirse Ronan in Gucci

Pas ikjes së të dënuarit M.K nga Pavijoni Gjysmë i Hapur i Qendrës Korrektuese të Dubravës, Shërbimi Korrektues i Kosovës ka ngritur Komision Hetimor.

Po ashtu, SHKK ka marrë vendim për largimin e përkohshëm deri në përfundim të hetimit të dy zyrtarëve korrektues L.R dhe B.H.

Sipas Shërbimit Korrektues të Kosovës, ky vendim do të mbetet në fuqi deri në vendimin final të komisionit disiplinor.

Në Prishtinë ka mbërritur delegacioni gjerman i cili do të bëjë vizibilitetin.

Ata do të vizitojnë Ministrinë e Punëve të Brendshme, të Infrastrukturës dhe Agjencinë e Regjistrit Civil si dhe do të inspektojnë edhe autoshkollat në mënyrë që të vendoset më tutje që bashkatdhetarëve që jetojnë në Gjermani t’u njihet patent shoferi i Kosovës, raporton Radio Televizioni i Kosovës përcjell Klan Kosova.

Një premtim i tillë ishte dhënë edhe nga ministri gjerman, ndërsa mbetet të shihen rezultatet pas takimeve dypalëshe.

Ministri i Punëve të Brendshme dhe Administratës Publike Agim Veliu, ka takuar udhëheqësit e Agjencive dhe Departamenteve.

Veliu tha se beson që së bashku do të kenë bashkëpunim të mirë, duke u bazuar në mirëbesim, transparencë dhe llogaridhënie.

“Jam i njoftuar për rezultatet e shumta pozitive që janë arritur në të kaluarën qoftë në Ministrinë e Brendshme dhe atë të Administratës Publike. Mirëpo në të njëjtën kohë, jam i vetëdijshëm që të dy këto institucione janë ballafaquar me sfida, të cilat unë si Ministër në bashkëpunim të plotë më të gjithë ju do t’i adresojmë në mënyrën sa më të mirë”- tha Veliu.

Ai shtoi se sa i përket bashkimit të dy ministrive do të sqarohen gjitha detajet lidhur me dilemat e funksionimit.

“Obligimet tona në garantimin e sundimit të ligjit dhe sigurisë publike si dhe ofrimin e shërbimeve ndaj institucioneve dhe qytetarëve duhet të vazhdojnë dhe kryhen me përkushtim të lartë”- shtoi Veliu.

Kreu i MPBAP-së shpalosi prioritetet tjera me rëndësi, ku ndër tjerash përmendi zbatimin në përpikëri të obligimeve nga Marrëveshja për Stabilizim-Asociim, kritereve të Udhërrëfyesit për Liberalizimin e Vizave, si dhe përgatitja për procesin pas-liberalizimit, forcimin e luftës kundër të gjitha formave të krimit të organizuar, korrupsionit dhe krimeve ekonomike, parandalimin dhe luftimi e terrorizmit dhe ekstremizmin e dhunshëm etj.

Në përfundim të këtij takimi, ministri Veliu tha se qëllimi ynë i përbashkët është që Ministria e Punëve të Brendshme dhe Administratës Publike, të jetë kredibile dhe e aftë në shërbim të të gjithë qytetarëve për regjionin dhe partnerët ndërkombëtarë.​

Shumë shpejt, pritet që ministri Veliu t’i vizitoj të gjitha agjencitë nga afër dhe të njihet me kushtet, sfidat dhe prioritetet e tyre.