Ekipi i njohur i Beogradit, Crvena Zvezda edhe këtë vit do të vizitojë vendin për të zhvilluar ndeshje miqësore në Graçanicë, me skuadrën që mban po këtë emër.
“Kurir” pati raportuar gjatë muajit prill se miqësorja mes Crvena Zvezda dhe Graçanicës luhet më 19 maj, dhe të ardhurat nga biletat do të dhurohen për fondin e Rashkës dhe Prizrenit.
Crvena Zvezda edhe në këtë kohë të vitit të kaluar pati zhvilluar një ndeshje miqësore në Kosovë dhe në mediat serbe, entuziazmi i tifozëve u cilësua si festë e madhe. Skuadra beogradase është kampion i sivjetmë në superligën e futbollit të Serbisë.