Disa shkolla të Gjakovës është dashur ta ndërprejnë mësimin për shkak të reshjeve të shumta të shiut që cuan deri te vërshimet, por kjo gjendje tashmë është sanuar dhe nesër do vazhdojë procesi i rregullt mësimor, kështu njofton kryetarja e kësaj komune Mimoza Kusari-Lila.
Kusari-Lila me anë të një njoftimi të bërë nga Kuvendi Komunal i Gjakovës ku e ka shpalosur në llogarinë e saj të Facbook-ut lajmërohet për mbarëvajtjen e mësimit.
“Njoftohen të gjithë nxënësit e Komunës së Gjakovës se nesër me datë 08.01.2016 ( e Premte), do të vazhdoj mësimi i rregullt në të gjitha Shkollat e Komunës së Gjakovës.
E gjithë kjo, falë sanimit të shpejtë të dëmeve nga reshjet e fundit dhe përmirësimit të kushteve për mbarëvajtjen e mësimit,” thuhet në njoftimin e KK të Gjakovës, përcjellë Klan Kosova.