Nuk mund të lavdërohen se bënë punë të mirë.
Pjesa e autostradës që lidhë Besinë me Fushë Kosovën ishte pastruar mirë vetëm njëra korsi.
Megjithatë kompania e kontraktuar për mirëmbajtjen e kësaj pjese të autostradës po vazhdonte punën për pastrimin e saj.
Gjendje më e keqe ishte në dalje të autostradës për Fushë Kosovë. Aty shihej se nuk kishte pasur as përpjekje për të pastrimin e borës.
Njësoj ishte edhe në rrugën lidhëse të autostradës Ibrahim Rugova me magjistralen Prishtinë-Han i Elezit,njofton Klan Kosova
E vet kjo magjistrale ishte e pastruar mirë. Qarkullimi i automjeteve po bëhej pa vështirësi pasi bora ishte larguar.
Punë ishte bërë edhe në pastrimin e magjistrales Prishtinë-Pejë.
Ndërkaq, mjetet për largimin e borës vazhdonin të monitoronin gjendjen vazhdimisht.
Sipas drejtorit të departamentit për menaxhimin e rrugëve të ministrisë së Infrastrukturës, Skender Gashi, për mirëmbajtën e autostradave, dhe rrugëve magjistrale dhe rajonale, janë kontraktuar 14 kompani me kontrata 3 vjeçare.
Kronikë nga Flutra Nushi.