Drejtori i zyrës serbe për Kosovën, Marko Gjuriq, duke numëruar fitoret diplomatike kundër Kosovës, ka thënë se viti 2015 ishte vit i tundimeve për popullin serb në Kosovë. Sipas tij, serbët e Kosovës me vështirësi ia kanë dalë të mbijetojnë në djepin e shtetësisë serbe, ku ata kanë tokat dhe pronat e tyre.
“Parandaluam grabitjen e Trepçës. Me ndihmën e miqve ndërkombëtarë parandaluam edhe anëtarësimin e Kosovës në UNESCO. Patëm shumë fitore. Një nga ato është edhe arritja e marrëveshjes për themelimin e Asociacionit të Komunave Serbe me Prishtinën. Ky është rezultati, pavarësisht rezistencës së madhe dhe pengesave nga Prishtina mbi implementimin e këtyre marrëveshjeve”, ka thënë ai në një intervistë për Sputnikin serb.
Megjithatë, sipas Gjuriqit, një nga çështjet më të rëndësishme për serbët në Kosovë, Asociacioni i Komunave Serbe, nuk është përmbushur ende. Gjuriq ka thënë se për Serbinë nuk është i rëndësishëm vendimi i Gjykatës Kushtetuese të Kosovës, pasi marrëveshjet janë arritur me pajtimin e të zgjedhurve legjitimë të vendit.
Shkrimin e plotë mund ta lexoni më poshtë:
http://zeri.info/aktuale/70081/gjuriq-numeron-fitoret-diplomatike-kunder-kosoves/