Albert Krasniqi nga Instituti Kosovar për Demokraci në Info Magazine të Klan Kosovës ka thënë se deputetët e Kuvendit të Kosovës përgjithësisht tregojnë luajalitet në raport me subjektet të cilat përfaqësojnë.
Por, sipas tij, ka një numër të caktuar deputetësh që në një numër të caktuar të rasteve nuk kanë përfillur mendimin e përgjithshëm të subjektit të cilin e përfaqësojnë, njofton Klan Kosova.
“Nga 93 deputetë, mbi 90% janë lojal nga deklarimet e grupeve parlamentare, thuajse votojnë bllanko ashtu si thonë shefat e grupeve parlamentare. Xhavit Haliti është deputeti më rrebel në anën e PDK-së, është kampion i abstenimeve”.
“Vjosa Osmani tek LDK-ja, Rexhep Selimi tek VV-ja, Zafir Berisha, Nisma, dhe Lah Ibrahimaj- AAK”. /klankosova.tv