Ish mesfushori sulmues i Milanit dhe ish-topi i artë i botës Ronaldinho ka përshkruar dashurinë e tij për klubin ku i kaloi tre vite.
35 vjeçari e shijoi udhëheqjen nga Silvio Berlusconi dhe Adriano Galliani gjatë kohës kur ai ishte në San Siro.
“Me kujtohet kur e lash Milanin, kisha shans të bashkohem me Flamengon i cili ishte klubi që ëndërroja dhe nuk mund ta humbisja shansin të luaja në Copa Libertadores, e gjitha ndodhi shumë shpejt,” ka thënë Ronaldinho për La Gazzetta dello Sport.
“Milani ishte vërtet special si klub dhe i ndryshëm nga të tjerët.”
“Berlusconi dhe Galliani ishin si baballarë për mua”
“Me të vërtet më mungon Italia, me mungon Milani por gjithashtu më mungon edhe Parisi e Barcelona.”
Ronaldinho ka bërë 76 paraqitje në Serie A dhe shënoi 19 gola për rosonerët dhe ishte pjesë e skuadrës e cila fitoi Skudeton në stinorin 2010-2011.