Drejtoria e Inspeksionit të Komunës së Drenasit, e ka mbyllur tregun e kafshëve në Komoran dhe Drenas.
Vendimi për të mbyllur këtë treg, ka ardhur pas vendimit të Agjencisë së Ushqimit dhe Veterinarisë, si masë për parandalimin e përhapjes së sëmundjes Gungore të Lëkurës.
“Inspektoret Komunal do të bëjnë inspektimin e tregut të kafshëve në Komoran ditën e shtunë dhe në Drenas ditën e enjte, si dhe eventualisht nëse bëhet zhvendosja e tregut në rrugë apo hapësira tjera do të merren masa për largimin e tyre”, thuhet në njoftimin e inspektoratit.
Po ashtu, ky inspektorat u bën thirrje qytetarëve që t’i shmangen tregut të kafshëve ndërsa pronarëve, që t’i lajmërohen Drejtorisë për Bujqësi në Komunën e Drenasit në rast se posedojnë kafshë të infektuar nga sëmundja.