Pas fitores historike të Majlinda Kelmendit në Lojrat Olimpike në Rio2016 duke rrëmbyer kështu medaljen e artë, në mesin e shumë artistëve, e uroi edhe këngëtarja me famë botërore por me gjak shqiptari, Rita Ora.
Ajo në llogarinë e saj në Instagram postoi një fotografi të Majlindës duke thënë se ndjehet krenare që është shqiptare dhe se kjo fitore e Kampiones së Xhudos e ka bërë të qajë.
“Ne kurrë s’kishim mundësi për të treguar talentin tonë, por tani jemi të pavarur për ta treguar. Çdo gjë që unë kam bërë ka qenë duke u ndjerë krenare e të qenit shqiptar. Jam shumë e lumtur të shoh këtë. Kjo më bën të qajë, s’mund të jem më krenare. Përpara Majlinda, ne po bëjmë tifo për ty”.
