Ish e dashura e Johnny Depp, Winona Ryder ka dalë në mbrojtje të Depp pas akuzave për dhunë fizike ndaj Amber Heard.
Ryder, 44 vjeçare, ka thënë që Depp kurrë nuk ka qenë abuziv gjatë katër viteve sa këta të dy ishin të lidhur.
“Unë mund të flas vetëm për eksperiencën time, e cila është shumë ndryshe nga ajo çfarë thuhet. Ai kurrë nuk ka qenë i tillë ndaj meje. Unë e njoh atë vetëm si njeri me të vërtet të mirë, të dashur, djalosh shumë i kujdesshëm i cili mbron njerëzit e tij më të dashur” ka thënë Ryder.
Heard ka siguruar një urdhër ndalesë të përkohshme ndaj Depp nën akuzat që ky i fundit ishte fizikisht dhe verbalisht i dhunshëm ndaj saj.