Kryeministri i Kosovës, Isa Mustafa pas ndeshjes së Shqipërisë me Rumaninë ku Shqipëria ka arritur që të triumfojë, është shprehur se “Shqipëria na bëri sërish krenar në maksimum”.
“Plot zemër dhe talent, lojtarët e kombëtares sonë shkëlqyen sot kundër Rumanisë.
Por, një meritë e veçantë shkon për tifozët mbresëlënës kuq e zi, të cilët ishin të jashtëzakonshëm sot në Lion” ka thënë Mustafa në llogarinë e tij në Facebook, transmeton Klan Kosova.
Ai është shprehur optimist për kualifikimin e mëtutjeshme të Shqipërisë.
“Shpresojmë të kualifikohemi në xhirot e mëtejshme dhe të vazhdojmë të lemë mbresa pozitive te të gjithë evropianët. Urime fitoren plotësisht të merituar” ka përfunduar Mustafa.