Sam Smith s’ka bërë vetëm një tatuazh të ri, tani ai ka në trup diçka që gjithmonë do t’ia kujtojë se çka ka rëndësi për të.
Kantautori britanik i cili është 23 vjeçar, ka publikuar në profilin e tij në instagram dizajnin e tatuazhit të tij më të ri. Në gishtin e tij të unazës ai ka stampuar shenjën e “barazimit” me ngjyrë të kuqe kurse në të dy krahët e tij, ai ka bërë dy mbishkrime. Por një gjë duhet pranuar, tatuazhet e Sam Smith janë shumë unike, transmeton Klan Kosova.
Ai po ashtu i ka prezantuar shumë denjësisht idetë e tij rreth këtyre tatuazheve, duke dhënë përshkrime te detajuara për kuptimin e secilës.
“Në gishtin tim martesës kam vizatuar shenjën e “barazimit”. Ky tatuazh është vetë-shpjegues. I tregon pikëpamjet e mija sa i përket martesës në mes homoseksualëve dhe barazinë në mes njerëzve”, ka shkruar Smith në Instagram.
Ndërsa, sa u përket mbishkrimeve në të dy krahët Smith ka thënë:
“Tatuazhi në krahë e kam bërë pasi jam inspiruar nga trupi i një mumieje që ishte varrosur i vetëm në akull”. Këtu ai i referohet mbishkrimit “alone” – i vetëm – që është stampuar në krahun e tij të majtë.
Kurse në të djathtin ai ka shkruar “honesty” – sinqeritet.
“I sinqertë. Kjo është ajo që premtoj se do ta bëj me muzikën time. Do të jem i sinqertë.
