Nga sot, Aleanca Kosova e Re, do të jetë pjesë e pushtetit në Komunën e Prishtinës.
Krejt kjo si rezultat i koalicionit të kësaj partie më Vetëvendosjen, i cili u zyrtarizua mëngjesin e së mërkurës, kur Islam Pacolli bashkë me kryesuesen AKR-së në Kuvendin Komunal të Prishtinës, Mirlinda Sopi, nënshkruan marrëveshje me kryetarin, Shpend Ahmeti.
Por, kësaj herë, krejt kjo u bë larg medieve.
Bile, për këtë, nga VV nuk pati asnjë njoftim, ndërsa që partnerit të tretë qeverisës ia besoi dy drejtori.
Siç merr vesh Klan Kosova, drejtoria e Kulturës do ta udhëhiqet nga Besart Vllahinja, ndërkaq ajo e Bujqësisë nga Ferat Makolli.
Edhe pse as ky bashkim me AKR, Vetëvendosjes nuk ia siguron numrat e nevojshëm në kuvend, zyrtarë të saj tregojnë pse këtij subjekti vendosen t’ia japin dy drejtori.
Derisa Vetëvendosje do të bashkë qeveris me AAK e AKR, të bashkuar në këtë lokal u panë edhe LDK e PDK.
Madje, nuk hezituan të shkëmbejnë muhabete edhe me partnerin me të ri të Vetëvendosjes.
Kronikë nga Iliri Pireva.