Kryesia e Lidhjes Demokratike të Kosovës (LDK) bëri homazhe tek përmendorja e Enver Malokut, në 20 vjetorin e vrasjes së tij, njofton Klan Kosova.
Delegacion i Lidhjes Demokratike të Kosovës, ishte i udhëhequr nga sekretari i përgjithshëm z. Ismet Beqiri në emër të kryesisë së LDK-së, po ashtu ata vendosën edhe buqeta me lule.
“Enver Maloku është vrarë në pasditen e 11 janarit 1999 pak metra prej banesës së tij në lagjen Kodra e Diellit në Prishtinë. Vrasësit e tij kurrë nuk janë arrestuar dhe vënë para drejtësisë”,shkruhet në komunikatën e dërguar nga LDK-ja.
