Përkundër se është e ndaluar, një automjet në rrugën magjistrale Vushtrri-Mitrovicë është parë duke transportuar materiale ndërtimore pa më të voglën mas të sigurisë, njofton Klan Kosova.
Një shikues/lexues i Klan Kosovës ka gjiruar me kamerën e tij mjetin transportues që lëvizte në këtë rrugë i mbushur me material ndërtimore, por duke mos plotësuar as kushtet minimale të sigurisë në mes të ditës.
Kamioni i ngarkuar, siç shkruan dërguesi i videos, nuk është ndaluar askund nga Policia e Kosovës dhe ka përshkruar pa u penguar fare rrugën nga Vushtrria për në Mitrovicë.
Sipas shpjegimit të qytetarit, veturat tjera në komunikacion janë ndjerë gjatë tërë kohës të rrezikuara nga pjesëmarrësi i pandërgjegjshëm në trafik.
klankosova.tv