Carlo Ancelotti ka thënë fjalët më të mira për Pep Guardiolën, që në fund të këtij edicioni merr drejtimin e Manchester City.
Strategu italian do të jetë në krye të Bayern Munich, skuadër nga e cila do të largohet Pep, pas disa edicioneve të suksesshme në nivel të ligës.
Trajneri italian ka deklaruar se Pep është një nga të vetmit trajnerë që nuk e ka shijuar ende shkarkimin nga detyra dhe është e vështirë për një skuadër që ta largojë atë.
“Ferguson, Lippi, Capello, Mourinho dhe Benitez janë disa nga trajnerët e mëdhenj që janë shkarkuar nga skuadrat e tyre. Guardiola nuk e ka provuar këtë gjë ende sepse është e vështirë për një skuadër që të shkarkojnë një trajner si ai”.
“Kjo gjë e bën atë nga më të mëdhenjtë sepse është i veçantë si trajner. Une me Chelsea fitova dy trofe dhe u shkarkova ndërsa me Realin fitova Ligën e Kampionëve dhe pas disa muajsh ata më shkarkuan”.