Rachel Roy, që tashmë po konsiderohet si rivalja e Beyonce ka shkruar në Twitter pas thashethemeve se ajo ishte shumë e afërt me bashkëshortin e këngëtares, Jay Z.
Dizenjatorja e cila është përfolur se është në lidhje me reperin ka reaguar pas lansimit të këngës më të re të Beyonce në të cilën thuhet se ajo i është referuar tradhtisë së bashkëshortit të saj.
Por Roy, duket se ka mohuar krejtësisht këtë thashethem që është bërë lajmi kryesor në botën e shoubizit.
“Respektoj dashurinë, martesën dhe familjen. Ajo çfarë nuk tolerohet nga askush nuk duhet të përdoret për ta denigruar askënd” ka shkruar ajo, transmeton Klan Kosova.
Krejt kjo erdhi si pasojë e tekstit të këngëtares Beyonce, që shumë shpejt mori dhenë se ishte një tekst dedikuar tradhtisë së bashkëshortit të saj.
