Komisioneri Europian për Politika të Fqinjësisë dhe të Zgjerimit, ka thënë se Kosova ka bërë shumë progres në procesin e Liberalizimin e Vizave.
Këtë koment komisioneri Hahn e ka bërë pas një takimi që ka pasur me Ministrin e Integrimit Europian Bekim Çollakun, me të cilin është takuar në Bruksel.
“Marrëveshja për Stabilizim Asociim, ishte hapi më i rëndësishëm i Kosovës drejt BE-së. Tani ka progres në liberalizimin e vizave. Po diskutohen hapat e ardhshëm”, ka shkruar komisioneri Hahn në profilin e tij në Twitter.
Këto takime të ministrit Çollaku me zyrtarë të BE-së, janë vazhdimësi e takimeve zyrtare që Ministri i Integrimit Evropian është duke i zhvilluar me diplomatë evropian dhe përfaqësues të BE-së lidhur me këto procese, njofton Klan Kosova.