Kompania “Roc Nation” e drejtuar nga Jay Z, ka paditur Rita Orën.
Labeli pretendon se ajo nënshkroi marrëveshje në vitin 2008 kur ajo ishte e panjohur dhe ka investuar miliona dollarë në karrierën e saj.
Jay z akuzon Ritën se ajo është dashur të lansonte pesë albume, por sipas labelit ajo ka lansuar vetëm një, transmeton Klan Kosova.
Siç edhe ka raportuar më parë TMZ…Rita kishte paditur këtë kompani në dhjetor duke pretenduar se ajo ishte neglizhuar nga kjo kompani dhe se kishte realizuar këngët për albumin e dytë, por ky label nuk i ndihmoi asaj ta lansonte atë.
Në akuzë, “Roc Nation” thotë se ka shpenzuar gati 2.3 milionë dollarë në reklamim të albumit të saj të dytë dhe tani po kërkon që t’i kthehen paratë.