Mbrëmjen e së enjtes KZAZ-së numër 6, e cila është shkolla “Ndre Mjeda” konkretisht i është vënë zjarri, ku si pasojë janë plagosur dhe tre policë.

Policia thotë se ky rast në bashkinë e Vaut të Dejës u bë nga protestues të PD-së.

“Rreth orës 20:00 janë grumbulluar rreth 200-250 simpatizant të PD, tek KZAZ nr.6 e cila ështe ngritur prane një shkolle në Bushat, Vau i Dejës. Gjatë protestës ata kanë sulmuar KZAZ duke përdorur bomba molotov dhe mjete të tjera të forta. Për pasojë janë plagosur 3 punojës policie të Komisariatit Vau i Dejës, që ishin në shërbim. Ata po marrin ndihmë mjekesore në Spitalin Rajonal Shkodër”.

“Deri tani janë shoqëruar 9 persona dhe vazhdon puna për kapjen dhe shoqërimin e personave të tjerë, të përfshire në ngjarje. Grupi hetimor i ngritur për çështjen dhe në bashkëpunim me Prokurorinë po kryen veprime intensive hetimore për vënien përpara ligjit të autorëve dhe drejtuesve të sulmit” – thuhet në reagimin e policisë së shtetit”.

Por, ky qëndrim është hedhur poshtë nga PD-ja me anë të sekretarit të Përgjithshëm Gazmend Bardhi i cili thotë se asnjë mbështetës i PD-së nuk është përfshirë në këtë ngjarje.

“Asnjë militant i Partisë Demokratike nuk ka djegur asnjë KZAZ në Bushat. Dënojmë me forcë deklaratën kriminale dhe shpifjen e Ministrit të Brendshëm, si pjesë e një skenari të parapërgatitur nga Qeveria, për të inkriminuar opozitën. U bëjmë thirrje mbështetësve tanë të mos bien pre të këtij skenari dhune.Partia Demokratike është në dijeni të planit kriminal që është hartuar me gjakftohtësi nga Edi Rama, dhe që ka disa ditë që po tentohet të vihet në jetë. E siguroj në emër të Partisë Demokratike se do të dështojë, pavarësisht retorikës konfliktuale të vazhdueshme apo përhapjes së panikut tek qytetarët dhe bizneset private”, thuhet në deklaratën e PD-së, shkruan Lapsi.al, transmeton Klan Kosova.

Të paktën 41 minatorë artizanalë mbetën të vdekur kur një pjesë e minierës së bakrit dhe kobaltit në pronësi të gjigantit minerar zviceran Glencore u shemb në Republikën Demokratike të Kongos (DRC), tha guvernatori provincial.

Aksidenti ndodhi të enjten kur dy galeri u përplasën në minierën e hapur KOV në zonën e Kolwezit të operuar nga kompania bakri Kamoto (KCC), një degë e Glencore.

“Kjo ishte shkaktuar nga gërmuesit klandestine artizanë që kanë infiltruar [minierën],” i tha Reuters, Richard Muyej, guvernator i provincës Lualaba.

“Tarracat e vjetra shkaktuan rënie të sasive të konsiderueshme të materialeve”.

“KOV është një vend delikat dhe paraqet shumë rreziqe,” shtoi ai.

Glencore tha në një deklaratë se kishte konfirmuar 19 persona të vdekur dhe viktima të tjera të mundshme dhe se po ndihmonte operacionet e kërkimit dhe shpëtimit nga autoritetet lokale.

Një astronaut i Apollo-s, i cili u ul në hënë në vitin 1972, ka zbuluar se njerëzit mund të jenë alergjikë ndaj pluhurit në sipërfaqen e Hënës.

Kjo pasi njëgjë e tillë bëri që hunda e tij të kishte ënjtje.

Harrison ‘Jack’ Schmitt, 83 vjeç, u stërviti si gjeolog para se të udhëtonte drejt satelitit tonë me Apollo 17 dhe kaloi orë duke mbledhur dhe studiuar grimcat e imëta të sipërfaqes.

Ai i tha një ekipi në festivalin hapësinor Starmus në Zyrih se kur hoqi veshjen e tij mbrojtëse dhe u përball direkt me pluhurin, ai pësoi një reagim të menjëhershëm.

“Herën e parë që pashë pluhurin pata një reaksion alergjik, brendësia e hundës sime u bë e fryrë. Mund ta dëgjoje në zërin tim”, tha Schmitt.

“Por gradualisht kjo u largua për mua dhe, për kur për herë të katërt thitha pluhurin hënor, nuk e vura re atë.”

Ai tregoi për reagimin e çuditshëm dhe tha se disa njerëz kishin reakzione më të rënda se të tjerët.

Schmitt thotë se misionet e ardhshme do të duhej të mbrojnë njerëzit nga pluhuri korroziv, nëse duam të kolonizojmë hënën.

Disa gjëra që ne të gjithë kemi në shtëpi mund të përdoren edhe më shumë sesa që janë projektuar.

Ndonjëherë me të vërtetë ia vlen të harrohet qëllimi fillestar dhe duke përdorur pak imagjinatë dhe kreativitet ta bëni më të përdorshëm, njofton Klan Kosova.

Ashtu si shtypësi i kafesë. Kush do të kishte menduar se është një mjet i shkëlqyer për shpëlarjen e orizit? Thjeshtë, praktike, dhe gjeniale.

Shtypës i kafesë për të larë orizin

Keni një tigan me një raft? Përdoreni atë për të kulluar kapakët.

Përdoreni një rreth për të ruajtur lidhësat e flokëve

Lëvozhgat e vezëve mund të dyfishohen si pleh organik në kopshtin tuaj

Përdorni gjilpërat për të mbajtur dëgjueset

Mbani rrobat pastër

View this post on Instagram

It doesn't get much more simple than this tip! Hang a bag of chalk in your closets to keep your clothes smelling fresh. Chalk is excellent at absorbing moisture and odor! Tag a friend in the comments who could use this tip.

A post shared by Jillee | One Good Thing (@byjillee) on Oct 29, 2018 at 4:51pm PDT

View this post on Instagram

It doesn't get much more simple than this tip! Hang a bag of chalk in your closets to keep your clothes smelling fresh. Chalk is excellent at absorbing moisture and odor! Tag a friend in the comments who could use this tip.

A post shared by Jillee | One Good Thing (@byjillee) on Oct 29, 2018 at 4:51pm PDT

Kim Kardashian duhet ta ketë patjetër një rrip – ose në pjesën e saj të pasme shumë të famshme ose në këmbë.

Gjatë javëve të fundit, ylli televiziv është parë duke veshur papuçe me rrip dhe me take.

Papuçet me rrip dhe take ajo i ka veshur në raste të ndryshme, madje edhe me veshje sportive duke nxitur kështu pyetjen se a po mundohet Kim Kardashian ta krijojë një trend të saj?

Kardashian veshi papuçet Yeezy që kushtojnë 830 dollarë fillimisht në fillim të muajit qershor me një veshje ngjyrë bezhë që i linte shumë pak vend imagjinatës.

Më pas, ajo i veshi ato edhe disa herë të tjera duke i kombinuar edhe me veshje të markës Dior.

Së fundmi, papuçet me rrip dhe take i ka veshur gjatë një shëtitjeje në New York.

Kryetari i Bashkisë së Lezhës, Fran Frrokaj ka thënë se është i detyruar të zbatoj dekretin e presidentit Ilir Meta, sa i përket shtyrjes së datës për mbajtjen e zgjedhjeve.

Në emisionin Opinion, ai tregoi se kur presidenti Meta nxori dekretin e parë, në zonën që administron bëri gati qendrat e votimit. Më pas kur Ilir Meta anuloi 30 qershorin, sipas tij u mbyllën qendrat e votimit.

“Unë jam i detyruar të zbatoj dekretin e presidenti. Udhëzimi i KQZ-së nuk është ligj, dekreti i presidentit është ligj. Është Gjykata Kushtetuese ajo që vendos. Në fillim ne hapem qendrat e votimit, kur doli dekreti për anulimin e datës mbyllëm qendrat e votimit”, tha Fran Frrokaj.

Ai tregoi se ka kërkuar lirimin e të gjitha shkollave apo ambienteve të tjera ku mund të zhvillohet procesi zgjedhor.

“Shkollat janë në autoritetin e bashkisë dhe nëse do hapen pa lejen tonë kjo është një çështje force pastaj”, theksoi kryetari i Bashkisë së Lezhës.

“Kur bëhen dy budallenj mirë është të mos jesh aty. Çdo kryetar bashkie nuk duhet të jetë pjesë e një zënke”, tha më tej zoti Frrokaj.

I pyetur nëse do të lirojë zyrën, pas zgjedhjeve të 30 qershorit, ai tha “nuk besoj që është kaq e thjeshtë dhe nuk besoj të kaloj kaq lehtë. Unë do t’i drejtohem gjykatës, shkruan Opinion.al, transmeton Klan Kosova.

Presidenti i Shqipërisë, Ilir Meta, i është drejtuar kryeministrit Edi Rama me një letër publike, në mes të situatës së tensionuar në këtë vend lidhur me mbajtjen e zgjedhjeve.

Meta në këtë letër ka thënë se ka dekretuar datën e 13 tetorit për mbajtjen e zgjedhjeve ngase, sipas tij,  kjo është data më e shpejtë për të “garantuar të drejtën e opozitës për të marrë pjesë në zgjedhje, por edhe për të garantuar përfshirjen në procesin e administrimit të zgjedhjeve”.

Presidenti shqiptar gjithashtu ka kujtuar se po afron data ku do të vendoset për çeljen  apo jo të negociatave për Shqipërinë për nëtarësim në BE.

Më poshtë letra e plotë

I dashur Edi,

Ti më ke privuar padrejtësisht, si në planin institucional, ashtu edhe në atë njerëzor, nga mundësia për t’u takuar bashkë.

Jam thellësisht i indinjuar dhe njëkohësisht i brengosur që pritjes sime sot, nga ora 05:00 e mëngjesit ti i’u përgjigje me një të larë në pishinë vetëm 200 metra larg Presidencës.

Doja ta vendosnim bashkë datën e zgjedhjeve dhe kam që nga data 8 qershor 2019 që të pres e të pres, me shpresë.

Por unë, siç me të drejtë ti ankoheshe, nuk mund ta lija Shqipërinë pa një datë të zgjedhjeve vendore dhe t’u mohoja shqiptarëve të drejtën për të votuar në mënyrë të qetë, në paqe dhe me alternativa.

Data 13 tetor 2019 e dekretuar nga unë për mbajtjen e zgjedhjeve vendore, u vendos sepse kjo është data më e shpejtë për të garantuar të drejtën e opozitës për të marrë pjesë në zgjedhje, por edhe për të garantuar përfshirjen në procesin e administrimit të zgjedhjeve.

Ne të dy e dimë mirë, nga ata që vendosin për të ardhmen europiane të Shqipërisë, se nuk ka çelje të negociatave me Bashkimin Europian me zgjedhje monopartiake, siç ja ke marrë vrapit t’i bësh ti, përkundrazi.

Po të kujtoj se në 17-18 tetor 2019 ne presim mbledhjen e Këshillit Europian, që do të mund të vendosë për çeljen e negociatave për Shqipërinë dhe Maqedoninë e Veriut.

Ti thua se data e dekretuar nga unë është dhuratë me rastin e ditëlindjes së Doktorit më 15 tetor.
Ti e di që unë nuk ta kam fshehur asnjëherë, as ty dhe as publikut, dobësinë që kam për Doktorin.

Njerëz jemi, kemi edhe pika të dobëta.

Por edhe ti nuk është se e “urren” aq shumë sa aktron para kamerave dhe militantëve të tu.

Aq më tepër që marrëveshjet më të mëdha në këtë vend i keni bërë ti dhe Doktori, siç ishte edhe ajo brenda natës që ndryshoi themelet e Kushtetutës, që ishte votuar me referendum nga i gjithë populli, dhe pasojat e të cilës i vuajmë edhe sot.

Natyrisht që nuk ka lidhje as me 18 tetorin, ditën e lindjes së udhëheqësit të fundit komunist, Ramiz Alia, i cili, pavarësisht formimit të tij komunist, nuk besoj se e ke harruar, tregoi përgjegjshmëri të lartë me shtyrjen e zgjedhjeve në vitin 1991, duke i krijuar hapësirat e duhura opozitës për të marrë pjesë në to, për të mirën e vendit.

Ndaj të lutem Edi tregohu vizionar, reflekto dhe mos na zhgënje!

Kryeministri i Shqipërisë, Edi Rama, ka reaguar pas sulmit në KZAZ-në e Vaut të Dejës.

“Sulmi mbi KZAZ e Vaut të Dejës është shfaqja e egër e dëshpërimit të L.Bashës, M.Kryemadhit, I.Metës dhe S.Berishës, nga fundi i sigurtë me turp ditën e dielë i aventurës së tyre antikombëtare, për të marrë peng zgjedhjet që të marrin peng Shqipërinë #Ndëshkimi do jetë shembullor”.

“As kjo shfaqje turpi dhe asnjë shfaqje tjetër e këtij lloji, nuk e ndal dot më gremisjen e të katër aventurierëve në gropën që hapën për këtë popull e për këtë vend! Kush prek zgjedhjet për llogari të tyre do përballet me të gjithë forcën e ligjit dhe pasojat e paralajmëruara”, ka shkruar Rama në Twitter./ Top Channel

Aktorja e njohur, Zoe Kravitz, do të martohet me aktorin, Karl Glusman.

Kështu këtë të premte çifti i njohur patën një darkë me familjen dhe miqtë e tyre para dasmës.

Sipas People, në këtë dasmë të pranishme janë edhe aktoret e njohura Laura Dern, Reese Witherspoon dhe Shailene Woodley.

Zoe dhe Karl janë bashkë që nga viti 2016, ata u takuan për herë të parë në një kafene me miq të përbashkët.

Ambasada e Italisë i është bashkuar deklaratës së Delegacionit të BE-së në Tiranë, ku e konsideron absolutisht të papranueshme dhunën në 30 qershor. Kjo ambasadë thotë se “të gjitha palët politike duhet të tregojnë përmbajtje dhe të shmangin retorikën provokuese.”

“Ambasada e Italisë në Tiranë i bashkohet plotësisht deklaratës së sotme të Delegacionit të Bashkimit Evropian. Është me rëndësi të veçantë që qytetarët që ushtrojnë të drejtat e tyre të mund ta bëjnë këtë në një mënyrë të rregullt. Gjithashtu, është përgjegjësi e drejtpërdrejtë e të gjithë aktorëve politikë për të siguruar që veprimtaritë e votimit – të cilat do të monitorohen nga një mision ndërkombëtar i udhëhequr nga OSBE / ODIHR ku marrin pjesë edhe vëzhgues nga disa vende anëtare të Bashkimit Evropian – të mos pengohen. Çdo veprim i dhunshëm ose çdo formë nxitjeje për dhunë, në çdo lloj rrethane, janë absolutisht të papranueshme. Të gjitha palët politike duhet të tregojnë përmbajtje dhe të shmangin retorikën provokuese”, thuhet në deklaratë.

Duke theksuar rëndësinë parësore të procesit të integrimit evropian të Shqipërisë, Ambasada e Italisë kërkon nga palët “dialog të hapur dhe të sinqertë sa më shpejt që të jetë e mundur për të kapërcyer situatën aktuale politike dhe për të realizuar reformat e nevojshme.”

“Ambasada e Italisë thekson rëndësinë parësore të procesit të integrimit evropian të Shqipërisë. Në mënyrë që Vendi të përparojë në këtë rrugë, është e nevojshme që të gjitha palët të angazhohen në një dialog të hapur dhe të sinqertë sa më shpejt që të jetë e mundur për të kapërcyer situatën aktuale politike dhe për të realizuar reformat e nevojshme. Në këtë kuadër, Ambasada e Italisë u kërkon të gjitha palëve të mbështesin reformën e drejtësisë në vijim dhe fton të gjitha organet dhe institucionet e përfshira të përshpejtojnë zbatimin e saj, veçanërisht duke garantuar emërime sa me të shpejta, në mënyrë që Gjykata Kushtetuese të jetë plotësisht funksionale. Është gjithashtu e rëndësishme që të gjitha palët të angazhohen në realizimin e reformës zgjedhore dhe të respektojnë shtetin e së drejtës, përfshirë këtu edhe luftën ndaj korrupsionit”, thuhet në deklaratën e Italisë./top channel/

Kampionati i Europës në Basketboll për femra, që po zhvillohet në Letoni dhe Serbi, nuk ka mundur t’i bishtnojë politikës.

Sërish problem është – Kosova.

Radiotelevizioni Publik i Serbisë, RTS, ka njoftuar se nuk do t’i emitojë më reklamat e Kampionatit Europian në Basketboll për femra për shkak se aty harta e Serbisë paraqitet pa Kosovën.

“Ndonëse shteti i vetëshpallur i Kosovës është anëtar i FIBA-s, gjatë këtij kampionati RTS nuk do t’i transmetojë materialet promovuese sepse janë të papranueshme për vendin tonë”, thuhet në komunikatën e RTS-it.

“Ashtu si të gjithë transmetuesit tjerë europianë që i kanë blerë të drejtat televizive për Kampionati Eeuropian në Basketboll për femra, edhe RTS e ka përfituar një pako të gatshme me promo, xhingla dhe materiale tjera promovuese”, njofton Klan Kosova.

RTS ka kërkuar falje publike pasi të enjten, gjatë ndeshjes Serbia – Bjellorusia, e ka transmetuar një grafikë promocionale me hartën e Serbisë pa Kosovën.

Siç thonë: “Gabimisht”.

Gjatë takimit përmbyllës së fushatës, kryeministri Edi Rama ka folur nga Vlora në lidhje me sulmet që janë bërë ditët e fundit gjatë KZAZ-ve.

Rama i bëri thirrje kreut të PD, Lulzim Basha, duke i thënë që të shpjegojë se kush i organizoi përplasjet e dhunshme mbrëmjen e djeshme në Vaun e Dejës.

“Mbrëmë disa haxhiqmiliste në Vaun e Dejës sulmuan shkollën, si Haxhiu, dogjën palestrën e re të fëmijëve me materialet zgjedhore dhe po mbrëmë doli Xhuljeta (Basha) dhe akuzoi policinë se ka sulmuar policinë, qeverinë se ka vënë policinë për të sulmuar policinë sipas tij për një konflikt që e dëshiroj unë. Por pasi ujqërit u bënë lepuj në prangat e drejtësisë, doli kryetari i bashkisë që tha ‘nuk e kam bërë unë, por partia. Ia shkrova, por Luli nuk po ndjehet, nuk e di ku është futur, dil sqaroje, ku je? Unë e di, e keni bërë të dy bashkë, por tani po shisni njëri tjetrin. Gropa që hapët është gati, aty do përfundoni një nga një”,tha Rama, shkruan Opinion.

Nën patronatin e kryetarit të Kuvendit, Kadri Veseli, sot në Mitrovicë u dha premiera e dokumentarit “Kujtojmë mos me harrue”, të autorit Asllan Bajrami.

Dokumentari rrëfen luftën e Kosovës dhe dëbimin e dhunshëm të shqiptarëve nga forcat paramilitare ushtarake serbe.

Në një fjalë të rastit, kryeparlamentari Veseli, duke kujtuar edhe njëherë krimet e Serbisë në Kosovë, tha se këtu edhe buron ideja e tij për një tribunal ndërkombëtar për gjenocidin serb, pra, për të shpaguar sakrificën e shqiptarëve të Kosovës dhe njëkohësisht për të vënë në vend drejtësinë, të mohuar për dy dekada.

“Serbia është shteti i cili ka kryer gjenocid në Kosovë, me kriminelët e saj të cilët shkaktuan shumë vuajtje mbi popullatën tonë të pafajshme. Pra, nuk po flasim për ballafaqimet ushtarake midis Ushtrisë Clirimtare të Kosovës dhe ushtrisë e policisë së Serbisë, por po flasim për një veprim tërësisht të organizuar nga shteti serb dhe të realizuar nga forcat ushtarake dhe policore të tij, mbi fëmijë, pleq dhe gra të pambrojtura. Janë këto veprime të dënuara me cdo të drejtë ndërkombëtare dhe njerëzore”, theksoi kryeparlamentari Veseli.

 Kreu i Kuvendit përsëriti se iniciativës së tij do t’i shkohet deri në fund dhe tribunali ndërkombëtar për gjenocidin serb do të ndodhë pashmangshëm.

 Ai tha se është turpi më i madh që një komb mund ta mbajë gjatë historisë, nëse nuk përgjigjet për krimet që i ka kryer mbi njerëzit e pafajshëm.

 Kryeparlamentari përgëzoi autorin e dokumentarit, gazetarin e njohur Asllan Bajrami, për, sic tha ai, punën e tij të jashtëzakonshme, që nga periudha e luftës.

 Po ashtu, Veseli u bëri thirrje studentëve që të marrin këto tema dhe dëshmi, dhe t’i trajtojnë ato, për ta vënë sa më shumë në pah atë që ka ndodhur para 20 vjetëve.

 “Fjalët nuk do ta sjellin drejtësinë, por faktet. Derisa po flasim për mijëra të vrarë dhe mijëra gra të tjera të dhunuara, për t’u ballafaquar në tribunalin ndërkombëtar duhet të kemi fakte konkrete, të pranuara edhe nga drejtësia ndërkombëtare”, theksoi Veseli.

 Ai paralajmëroi se në Komunën e Mitrovicës do të ndërtohet një monument përkujtimor, me përmasa të mëdha, në të cilin do të jetë edhe një dhomë muzeale e rrëfimit për gjenocidin serb në rajonin e Mitrovicës.

Partia Socialiste mbyll sot në orën 20 fushatën elektorale të zgjedhjeve të 30 Qershorit me një tubim në Lungomare të Vlorës.

Kryeministri i Shqipërisë, Edi Rama që pritet të ketë fjalën kryesore ka mbërritur në këtë qark që një natë më parë dhe gjatë paradites ishte në Himarë.

Në Vlorë Partia Socialiste garon sërish me Dritan Lelin që kërkon një mandat të dytë. E shtuna është një ditë heshtje zgjedhore./ tv klan/

Kanë përfunduar 45 minutat e para në ndeshjen mes Feronikelit dhe ekipit nga Andorra FC Santa Coloma e vlefshme për finalen e fazës parakualifikuese për Champions League.

Në stadiumin “Fadil Vokrri”, gjatë pjesës së parë rrjetat mbetën të paprekura, duke përfunduar me rezultatin 0 me 0.

Kampioni i Kosovës fitoren i mbetet ta kërkoj në pjesën e dytë të takimit.

Kryeministri i Shqipërisë, Edi Rama, ndodhet në qytetin e Vlorës për mitingun përmbyllës të 30 qershorit.

Në takimin e fundit me mbështetësit e Partisë Socialiste, kryeministri është shoqëruar nga bashkëshortja Linda Rama.

Ata janë filmuar teksa po zbrisnin të dy nga makina, shkruan Top Channel.

Edhe në Vlorë është vënë re një mobilizim i madh i Gardës, pasi siç shihet nga video, kryeministri Rama ka qenë i rrethuar nga disa truproja për të garantuar sigurinë.

Presidenti i SHBA-së, Donald Trump ka përzgjedhur diplomaten Yuri Kim për postin e ambasadores në Tiranë. Njoftimi është bërë publik në faqen zyrtare të Shtëpisë së Bardhë. Që prej majit të 2018-ës, Ambasada e SHBA në Tiranë nuk kishte një drejtues, pas largimit të ambasadorit Donald Lu.

Yuri Kim është zyrtare e lartë e shërbimit të jashtëm amerikan, e cila ka punuar në poste kryesore dhe ka mbuluar rajone të shumta, duke përfshirë Kinën, Korenë e Veriut, Turqinë, Irakun dhe NATO-n.

Ajo ka qenë Shefe e Shtabit të Zëvendëssekretarit të Shtetit, 2015-2017, si dhe ka drejtuar Zyrën për Sigurinë Evropiane dhe Çështjeve Politike-Ushtarake.

Kim ka qenë Konsulle Politike në Ankara dhe në Bagdad dhe anëtare e delegacionit të SHBA-së në bisedimet që synojnë denuklearizimin të Koresë së Veriut./ Top Channel

Presidenti Hashim Thaçi sonte është i pranishëm në stadiumin “Fadil Vokrri” për ta mbështetur Feronikelin.

Ai ka thënë se pret fitore nga kjo përballje e Feronikelit me Santa Coloman.

“Në stadiumin “Fadil Vokrri”, për ta përkrahur Feronikelin në finalen parakualifikuese të Ligës së Kampionëve, në përballje me Santa Coloman. Jemi këtu për të bërë tifo për kampionin tonë dhe duam fitore!”, ka shkruar Thaçi në Facebook.

Këtë javë, kompania holandeze Lightyear e ka prezantuar prototipin e automjetit të parë që funksionon me energji diellore të quajtur Lightyear One.

Janë disa panele solare që janë të vendosura sipër kulmit dhe kapakut të makinës, dhe të cilat janë të mbuluara nga një xham sigurie.

Makina synohet se mund t’i përshkojë diku mbi 20 mijë kilometra në vit, dhe gjithashtu mund të mbushet me energji elektrike.

Për më tepër, ajo peshon shumë lehtë në mënyrë që ta marrë në mënyrë më efiakse energjinë diellore, si dhe ka një bateri mjaft të vogël.

Një karakteristikë tjetër e këtij automjeti është që secila rrotë e saj do ta ketë në përdorim nga një motor.

Kjo veturë do të dalë në shitje në Evropë më së largu në vitin 2021, por që mund ta paraporositni që tani nëse keni shumën prej 118 mijë dollarësh sa edhe kushton ajo.

Kryeministri Edi Rama ka mbyllur në Vlorë fushatën për votimet e 30 qershorit, ku sërish fjalimin ia ka kushtuar opozitës dhe vendimit të saj për të mos hyrë në zgjedhjet lokale.

“Kush del kundër popullit, e pëson si karnavalet e Haxhi Qamilit”, ishte mesazhi i Ramës për opozitën, që, sipas tij, më 30 qershor do të marrë goditjen përfundimtare dhe që do të sjellë ndarjen e Shqipërisë nga politika 30 vjeçare që e ka mbajtur peng.

Rama nuk i kurseu paralajmërimet as për kryebashkiakët e djathtë, kur theksoi se nuk duhet të dëgjojnë urdhrat e Lulzim Bashës dhe pavarësisht përpjekjeve të tyre për të bllokuar KZAZ-të, shqiptarin nuk ka bravë që e ndalon.

“Dua t’u dal borxhit gjithë kryebashkiakëve që Luli i nxori pa punë. Ne donim një garë me ju, por ju nuk u paraqitet në fushën e betejës se i hytë luftës kundër Shqipërisë. Ata ta dinë mirë, janë katandisur që shkojnë dhe ndërrojnë bravat e shkollave që të ndalojnë popullin të votojë, keni parë kështu ju?! Po ku ka bravë që e ndalon shqiptarin të hapë derën”, u shpreh Rama.

Ai akuzoi PD dhe LSI se janë kthyer në “organizata të dhunshme”, pa harruar edhe kritikat ndaj presidentit Ilir Meta.

“Nuk kishim parë që godina e presidentit të kthehej në epiqendrën e shtabit të një revolucioni imagjinar dhe presidenti të shfaqej si Haxhi Qamili i ringjallur. Kurrë më parë Shqipëria nuk ishte vënë në një sulm të koordinuar, që nuk synonte të fuste frikën e tmerrin në çdo familje, por synonte të dërrmonte e gjunjëzonte vetë imazhin, dinjitetin e qenien e këtij vendi në sytë e botës. Sot Haxhiu i dytë, baba Xhikja, thotë sa të kem Lulin dhe Fallxhoren me vete nuk pyes për SHBA e BE”, tha Rama.

Partia Socialiste do të hyjë në votimet e 30 qershorit, ku në një numër të konsiderueshëm të bashkive do të jetë e vetme në fletën e votimit, ndërsa në bashkitë e tjera do të sfidohet nga kandidatët Bindjes Demokratike, partia e re e krijuar nga Astrit Patozi.